Home Morosini Codex 1415.07.18-08.16 Morosini Codex (§064.0248)

0 446
Da puo’ a se ave per nuove vegnude a dì XVI avosto de M IIII cento XV, per lo fante vegnudo da Brozia, partì circha dì XXII da puo’ el zionzer de le nostre galie, e anchora da Sanduzi per letera de XVIII de luio da la chocha Sabadina zionta là carga de vini, là fose retegnuda e non poser andar a la Scluxa, e descargada là. E avesemo chomo l’armada del re de ’Ngletera iera de là partida: fose scrito a la suma de nave e choche VI cento, per andar su la Franza. A preso avesemo eser sta’ dito eser scrito una anbasada del re de Franza, partida con chavali V cento per pasar in Engletera, per atratar de paxie, e per altra fiada tratado fose noze d’una fia del re de Franza in lo re de ’Ngletera, // b e mai questo re non voler asentir; e davali in dota da IIII in V miliona duchati, ma de zionta voiando anchora uno chastelo con el terituorio so in suxo la Franza; e al prexente se diga questa corona de Franza abia condesexo de voler far tuto quelo i piaxe, pur le dite noze abia esecucion e conplimento. E chusì se spiera per l’avegnir la dita anbasada averà bon efeto con bona paxie. ENGLISH TRANSLATION

a Int. C, nel margine interno: contrassegna il papagrafo con A e titola Armada de englexi. – b Carta 301a (I, 251v) con titolo corrente Corando M CCCC XV.

Morosini Codex, f. 300b (I, 251r)
Morosini Codex, f. 301a (I, 251v)

NO COMMENTS