Home Morosini Codex 1417.03.17-04.05 Morosini Codex (§064.0500)

0 289
Corando M IIII cento XVII in Veniexia.
Luni dì a, dì V del mexe d’avril, per i chastelani nostri de Coron e de Modon fo de subito mandado uno brigantin armado in Veniexia per letere fate de XVII de marzo, rezevè la Dogal Signoria, aver persentido una chocha granda de mal afar, de portada preso de bote VIII cento, de chatelani e bischaini iera sovra le aque de Sapiencia, paron uno mal homo corser, dito per nome Nicholò San Piero {Santo} *** b, eser lì chapitado. E scrive a preso queli diti retori aver mandado uno altro brigantin sovra el Chavo de Cezerigo per reguardar de le nostre choche VII de Soria e de quele de Chandia, a ziò che queli sia avixadi, quele vada de chonserva e bem revardoxe de non poder chazer in le suo mane, né aver senestro da quelo chorser chativo e malisimamente desposto chontra tute zeneracion persone. E de Chandia fo sapudo, per letere de là, per nuove da i nostri retori, la mortilitade eser declinada; ma dixese eser morti infiniti, e da IIII nostri nobel del Chonseio de Veniexia e intro i qual fose sier Iorgio d’i Chavali, là chonfinado.
ENGLISH TRANSLATION

a Int. C, nel margine interno: Corsari a Sapientia. – b Con Nicolò San scritto su nome. La lacuna può essere integrata con catelan sulla base dei seguenti §§ 64.509, 518.

Morosini Codex, f. 327b (II, 7r)

NO COMMENTS